«ՀԺ». Սամվել Ալեքսանյանը նաեւ ՀՀ-Մոնղոլիա խմբի անդամ է. ի՞նչ է նա անում այնտեղ

«Հայկական ժամանակ» թերթը գրում է.

«Ազգային ժողովի Հայաստան-Իրաք բարեկամական խմբի անդամները երեկ հանդիպել են Իրաքի ներ­կայացուցիչների խորհրդի արտաքին հարաբերություն­ների հանձնաժողովի նա­խագահ Աբդելբարի Ալ-Զիբարիի գլխավորած պատ­վիրակության անդամներին: Աբդելբարի Ալ-Զիբարին, ինչպես նաեւ պատվիրակու­թյան անդամները, կարեւորել են համագործակցու­թյան խորացման անհրաժեշտությունն առեւտրատնտեսական, մշակութային, կրթության ոլորտներում: Այդ ոչ այդքան ուշադրություն գրավող հանդիպմանը չի մասնակցել Հայաստան-Իրաք բարեկամական խմբի նախագահ, գործարար պատգամավոր Սամվել Ալեք­սանյանը:

Վերջինս Հայաստան-Իրաք առեւտրաշրջանառության առանցքային դերակատարներից է, մեծ քա­նակի խմիչքներ է արտահանում Իրաք:

Հիշեցնենք, որ ՀԺ-ն ավելի վաղ գրել էր, որ ԱԺ պատգամավոր, հայտ­նի օլիգարխ Սամվել Ալեքսանյանը, որը վիսկիի գոր­ծարան է հիմնել Իրաքում, ձեռք է բերել նաեւ մոտ 1000 հատ էշ, որոնցով վիսկին լեռնային ճանապարհներով տեղափոխում է հարեւան երկրներ: Նշենք, որ Սամվել Ալեքսանյանը նաեւ Հայաստան-Մոնղոլիա բարեկամական խմբի անդամ է: Թե ինչ գործունեություն է ծավալել նա Մոնղոլիայում, առայժմ հայտնի չէ»:

Առավել մանրամասն՝ թերթի այսօրվա համարում