Հայտնաբերվել են որպես անհետ կորած որոնվող Հրազդանի 2 բնակչի՝ պոլիէթիլենային տոպրակով փաթաթված դիերը. shamshyan.com

Երևան-Սևան ավտոճանապարհի 45-րդ կմ հատվածից դեպի մոտ 4 կմ գտնվող դաշտամիջյան հատվածում ոստիկանները հայտնաբերել են 2 դի։

Այս մասին հայտնում է shamshyan.com կայքը, որի հաղորդմամբ՝ դիերը կապված են եղել պոլիէթիլենային տոպրակով և գրեթե 1 ժամից ավել է պահանջվել, մինչև ոստիկաններն ու քննիչները կարողացել են դիերի վրայից հեռացնել հողաշերտը և դուրս բերել դրանք։ 

Աղբյուրի տեղեկություններով՝ նրանք են՝ Հրազդան քաղաքի Միկրոշրջան թաղամասի բնակիչ՝ 53-ամյա Սամվել Ալիխանյանը և Հրազդան քաղաքի Կենտրոն թաղամասի բնակիչ՝ 56-ամյա Վարդուհի Սիմոնյանը, ովքեր այս տարվա սեպտեմբերի 18-ից որպես անհայտ կորած՝ որոնվում էին Ոստիկանության Հրազդանի բաժնի կողմից։ 

Տեղում աշխատող դատաբժիշկը ասել է, որ դիերը ամբողջովին գտնվում են նեխած վիճակում և անհրաժեշտ է, որպեսզի դիերը տեղափոխվեն դիահերձարան։

Մանրամասները՝ սկզբնաղբյուր կայքում։