Տեսանյութ. Մալավիայում արնախումների դեմ են պայքարում. արդեն 5 մարդ սպանվել է

ՄԱԿ-ը և մի շարք այլ ոչ կոմերցիոն կազմակերպությունների անդամներ էվակուացվել են աֆրիկյան Մալավիայից՝ պայմանավորված այս երկրում արնախումների դեմ մեկնարկած որսով:

Այս մասին հայտնում է The Guardian պարբերականը: ՄԱԿ-ի անվտանգության դեպարտամենտի զեկույցի համաձայն արնախումների դեմ այս պայքարի իրական պատճառները շարունակում են անհայտ մնալ:

Համենայնդեպս տեղացիների պնդմամբ, արդեն իսկ գտնվել ու սպանվել են առվազն հինգ արնախում, որոնք սարսափի մեջ էին պահում տեղի բնակչությանը: Պարբերականը հայտնում է, որ արնախումներին հայտնաբերելու օպերացիան գտնվում է կառավարության և երկրի նախագահի ուշադրության կենտրոնում: