Գոնկուրյան մրցանակի դափնեկիր Է հայտարարվել Էրիկ Վյույարը
Ֆրանսիայի ամենագլխավոր գրական մրցանակը՝ Գոնկուրյանը, ստացել Է գրող Էրիկ Վյույարը՝ «Օրակարգ» վեպի համար: Մրցանակի շնորհման արարողությունը հեռարձակել Է BFMTV հեռուստաալիքը: Վյույարն իր վեպում գրում Է հիտլերյան Գերմանիայում գերմանացի արդյունաբերողների մասին:
Վյույարի մրցակիցներն Էին Յաննիկ Էնելը՝ «Պինդ բռնիր թագը» վեպով, Վերոնիկ Օլմին՝ «Բախիտա» գրքով եւ Ալիս Զենիտեն ու նրա «Կորցնելու արվեստը»: Գոնկուրյան մրցանակն արդեն ավելի քան հարյուր տարի հանձնվում Է ֆրանսերեն լեզվով գրված լավագույն վեպի համար:
Այն կրում Է ֆրանսիական դասականների՝ Գոնկուր եղբայրների՝ Էդմոն Լուի Անտուանի եւ Ժյուլ Ալֆրեդ Յուոյի անունը: Նրանցից կրտսերը՝ Էդմոնը, իր կարողությունը կտակել Է գրական ակադեմիային, որն սկսել Է կոչվել Գոնկուրյան, եւ հիմնել Է ամենամյա համանուն մրցանակ: Մրցանակը շնորհվում Է ակադեմիայի տասը անդամների քվեարկության արդյունքներով՝ փարիզյան «Դրուան» ռեստորանում հատուկ հանդիպման ժամանակ:
Ակադեմիկոսներից յուրաքանչյուրն ունի մեկ ձայն, նա կարող Է այն տալ մեկ գրքի համար, եւ միայն նախագահն ունի երկու ձայն: Գոնկուրյան մրցանակի չափը կազմում Է խորհրդանշական գումար՝ ընդամենը 10 եվրո, բայց փոխարենը դափնեկրի առջեւ լայն ճանապարհ Է բացում ոչ միայն դեպի հայտնիություն ու ճանաչում, այլեւ դեպի երաշխավորված մեծ տպաքանակներ, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
