«Ռեալ»-ը մտադիր է ձեռք բերել Նեյմարին

Մադրիդի «Ռեալ»-ի նախագահ Ֆլորենտինո Պերեսը ցանկանում է իր թիմում տեսնել ՊՍԺ-ի հարձակվող Նեյմարին: Այս մասին տեղեկացնում է Mundo Deportivo-ն:

Աղբյուրի տեղեկությունների համաձայն՝ Պերեսն արդեն հանդիպել է Նեյմարի հոր հետ՝ ֆուտբոլիստի տեղափոխության հարցը քննարկելու համար: Նեյմարը մադրիդյան թիմում կխաղա Կրիշտիանու Ռոնալդուի պայմանագիրն ավարտվելուց հետո: Պորտուգալացու պայմանագիրն ավարտվում է 2021թ.-ին:

ՊՍԺ-ն, իր հերթին՝ չի ցանկանում հրաժարվել բրազիլացի խաղացողից և պատրաստ է Նեյմարին թիմում պահել:

Նշենք, որ «Բարսելոնա»-ի նախկին ֆուտբոլիստի պայմանագիրը փարիզյան ակումբի հետ ավարտվում է 2022թ.-ին: