Ահա, թե ինչպես կարող եք ձեր Instagram-ով գումար աշխատել

Միգուցե անարդար թվա, որ մինչ գումար վաստակելու համար դուք ստիպված եք ամեն օր վաղ արթնանալ և գնալ գործի, ոմանք գումար են ստանում ողջ աշխարհով ճամփորդելու և իրենց նկարները հրապարակելու համար։ Ստացվում է՝ նրանք ոչ միայն անվճար ճամփորդում են, այլ նաև վճարվում դա անելու համար։

Վերջերս ստեղծված inkifi.com կայքը թույլ է տալիս ինստագրամյան օգտատերերին հաշվել, թե որքան կարժենա գովազդային մեկ հրապարակումն իրենց էջում։ Օրինակ՝ եթե ունեք 3,000-10,000 հետևորդ, ապա բրենդային խանութները ձեր էջում նկար հրապարակելելու համար կվճարեն 50-100 ֆունտ ստերլինգ՝ մոտավորապես 65-130 ԱՄՆ դոլար։

Իսկ 100 000-ից ավելի ինստագրամյան հետևորդներ ունեցող էջում մեկ լուսանկար հրապարակելու գինը սկսում է մոտավորապես 450 ԱՄՆ դոլարից։

Ստացվում է՝ եթե մարդիկ սոցցանցերով հետևում են ձեզ, ապա տարբեր ընկերություններ պատրաստ են ձեզ վճարել, որպեսզի լուսանկար հրապարակեք, որում օրինակ՝ կրում եք իրենց բրենդային լողազգեստը կամ ակնոցը։