ՖԱՖ-ը Հայաստան-Բելառուս հանդիպման համար երկրպագման երթ չի կազմակերպի

Հայաստանի ազգային հավաքականի երկրպագուների ՖԱՖ շարժումը Բելառուսի դեմ կայանալիք խաղից առաջ երկրպագուների  երթ չի անցկացնի:

«Հարգելի երկրպագուներ, ՖԱՖ-ը Հայաստան-Բելառուս հանդիպման համար երկրպագման երթ ու երկրպագման միջոցառումներ մարզադաշտի տրիբունայում չի կազմակերպելու:

Բոլոր ցանկացողները կարող են ՖԱՖ-ականների հետ միասին ներկա գտնվել հանդիպմանը և ՀՖՖ-ի գործողություններին արժանի փոխադարձ լռությամբ հետևել հանդիպման ընթացքին: ՖԱՖ-ը կլինի ՀՅՈՒՍԻՍԱՅԻՆ տրիբունայում:

ՖԱՖ-ականներին կարելի է միանալ Վերնիսաժում գտնվող Նժդեհի արձանի հարևանությամբ՝ 16:00-ից: Մարզադաշտ կուղևորվենք 17:00-ին: Խաղի սկիզբը՝ 18:00»,- գրված է հայտարարության մեջ: