Ուղիղ եթեր. Ուսանողները բողոքի ակցիա են անցկացնում ԱԺ-ի դիմաց

ՀՀ ԱԺ-ի դիմաց ուսանողները այս պահին բողոքի ակցիա են անցկացնում: Բողոքի ակցիան մեկնարկել է 30-40 րոպե առաջ,  երբ ՀՀ ԱԺ պաշտպանության և ազգային անվտանգության հարցերի մշտական հանձնաժողովը անակնկալ կերպով արտահերթ նիստ անցկացրեց և ընդունեց «տարկետման» մասին աղմկահարույց օրենքը ԱԺ լիագումար նիստում քննարկելու մասին որոշում:

Ուղիղ միացումը՝ «Ազատություն» ՌԴ-ի:

Ավելի վաղ ԼՈՒՐԵՐ.com-ը հայտնել էր, որ քվորում չլինելու պատճառով ԱԺ պաշտպանության և անվտանգության հարցերի հանձնաժողովը չի կարողացել քննարկել բանակի մասին օրենքը: 

Սակայն երեկոյան ուշ ԱԺ ղեկավարությունը, հղում անելով ՀՀ ԱԺ կանոնակարգ օրենքին արտահերթ նիստ նշանակեց և նիստն անցկացրեց 21:00-ին, չնայած այն հանգամանքին, որ նախապես որոշվել էր նիստը գումարել նոյեմբերի 13-ին՝ երկուշաբթի: