Հարյուրավոր հարուստ ամերիկացիներ իշխանություններին խնդրում են չնվազեցնել իրենց հարկերը
ԱՄՆ
Ավելի քան 400 ամերիկացի միլիոնատեր և միլիարդատեր, այդ թվում՝ ֆինանսիստ Ջորջ Սորոսը, որոշել են ԱՄՆ Կոնգրես նամակ ուղարկել, որում օրենսդիրներին կխնդրեն չնվազեցնել իրենց հարկերը: Այս մասին գրում է Chicago Tribune-ը:
Ըստ նրանց՝ կառավարությունը սխալ է անում, որ որոշել է նվազեցնել երկրի ամենահարուստ ընտանիքների հարկը: Իրենց նամակում ամենահարուստ իրավաբանները, ձեռնարկատերերը և բժիշկները Կոնգրեսին կոչ են անում չընդունել հարկային օրենքներ, որոնք միայն կխորացնեն իրավիճակը ԱՄՆ պետպարտքի հետ կապված և «ավելի կխորացնեն անհավասարությունը»:
Նամակի հեղինակները կարծում են, որ իրենք, ընդհակառակը, պետք է ավելի շատ հարկ վճարեն: Նամակը նախաձեռնել է Responsible Wealth միությունը, որը հանդես է գալիս հօգուտ առաջադեմ փոփոխությունների:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
