Լուսանկարներ. ողբերգական ավտովթար Կոշում. 2 զոհ, 3 վիրավոր

ՀՀ արտակարգ իրավիճակների նախարարությունը նոյեմբերի 15-ին, ժամը 18:09-ին ահազանգ է ստացել, որ Արագածոտնի մարզի Կոշ գյուղում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Ինչպես ԼՈՒՐԵՐ.com-ը տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ բախվել են «Volkswagen Golf» մակնիշի 34 NQ 375 և «Volkswagen Jetta» մակնիշի 20 SS 360 պետհամարանիշերով ավտոմեքենաները, ինչի հետևանքով 5 տուժած տեղի ուժերով տեղափոխվել է Աշտարակի ԲԿ, որտեղ տուժածներից 2-ը մահացել են՝ 1956 թ. ծնված Ա. Ա.-ը և 1947 թ. ծնված Ա. Ս.-ը, իսկ մնացած 3-ի առողջական վիճակը բժիշկները գնահատել են միջին ծանրության:

Նախարարությունը կտրամադրի լրացուցիչ տեղեկություն:

Լուսանկարները՝ Գագիկ Շամշյանի