Քամանչայի վարպետը գուսանական երաժշտություն է ուսուցանում արցախցի երեխաներին

Քամանչահար ՀակոբԽալաթյանը Երևանից տեղափոխվել է Արցախ, դասավանդում է Ստեփանակերտի Կոմիտասի անվան երաժշտական դպրոցում, Սայաթ Նովայի անվան երաժշտական քոլեջում և Շուշիի Դանիել Ղազարյանի անվան  դպրոցում։ «Եկել եմ, որպեսզի այն, ինչով ժամանակին հայտնի էր Շուշին, նորից վերադարձնեմ իրական տիրոջը: Շուշին հին հայկական մշակութային քաղաքներից է, և մեզանիցյուրաքանչյուրի խնդիրն է նրան վերադարձնել իր երբեմնի փառքը»,-  «Արցախպրես»-ի թղթակցի հետ զրույցում ասել է Հակոբ Խալաթյանը։

Պատմելով իր անցած ուղու մասին՝ նա նշել է. «Նվագում եմ 13 տարեկանից: Դեռ այնժամանակվանից մեծ հակում ունեի դեպի երաժշտությունը: Քույրսքանոնահարուհի էր, իսկ ես դհոլ էի նվագում Մարտին Խաչատրյանի խմբում, ով դասավանդում էր Ռոմանոս Մելիքյանի անվան երաժշտականուսումնարանում, և հենց այդ մարդու ակտիվ ներգործությամբ էլպայմանավորվեց իմ հետագա ճակատագիրը»,- ասել է Հ. Խալաթյանը:

Արվեստագետը հավելել է, որ Արցախում դասերը կազմակերպում է իր պատրաստած քամանչայով, և աշակերտներին երաժշտությունից զատ, սովորեցնում է նաև գործիքը պատրաստել:

Հակոկ Խալաթյանը կոչ է անում բոլոր հայ արվեստագետներին հաճախ այցելել Արցախ և իրենց հմտությունները փոխանցել տեղի երիտասարդներին: