Բանաստեղծներ Հակոբ Մովսեսը և Հենրիկ Էդոյանն ԱրՊՀ-ում հանդես են եկել դասախոսությամբ

Արցախի պետական համալսարանի բանասիրական ֆակուլտետի հրավերով նոյեմբերի 16-ին, բանաստեղծ, բանասիրական գիտությունների դոկտոր Հենրիկ Էդոյանը և բանաստեղծ-թարգմանիչ Հակոբ Մովսեսը հանդես են եկել դասախոսությամբ:

Բանախոսները ներկայացրել են արդի հայ գրականության միտումները:

«Այսօր ստեղծվել է մի իրականություն, երբ գրականությունն ավելիառօրեական վերաբերմունք է պահանջում, և այս համատեքստում հատկապեսկարևոր է ընդգծել մարդասիրական կերպարը. այն ներկայացվում է նաև արդիհայ գրողների ստեղծագործություններում»,- ասել է Հակոբ Մովսեսը:

Իր խոսքում բանախոսն անդրադարձել է նաև թարգմանական գրականությանը՝ մասնավորապես ընդգծելով Արցախում լույս տեսնող «ԳեղԱրմ» գրական-գեղարվեստական հանդեսը:

Իսկ բանասիրական գիտությունների դոկտոր Հենրիկ Էդոյանը նշել է, որ արդի բանաստեղծների ստեղծագործությունները միջնադարյան և ժամանակակից բանաստեղծությունների սինթեզն են: Նա ներկայացրել է այն հայ գրողներին, ովքեր ունեն նոր մոտեցումներ և առաջ են բերում նոր ժանրեր:

«Այսօրվա հայ գրականության, մասնավորապես հայ բանաստեղծությանհիմնական տարբերությունը նախորդի համեմատ այն է, որ  մեր բանաստեղծության մեջ վերածնվում են նոր տարրեր՝ գեղարվեստը, պոեզիան, պոետիկան»,- ասել է Հենրիկ Էդոյանը և ավելացրել, որ մեծ նշանակություն ունեն նաև այլաբանությունները:

Գրականագետներն իրենց խոսքում կարևորել են նման նախաձեռնությունները՝ տեղի գործընկերների հետ փորձի փոխանակման և երիտասարդ սերնդի ներկայացուցիչների հետ հաղորդակից լինելու տեսանկյունից: