Ռոնալդուն և Բենզեման հակառեկորդ են սահմանել

Մադրիդի «Ռեալ»-ի ֆուտբոլիստներ Կրիշտիանու Ռոնալդուն և Քարիմ Բենզեման մադրիդյան թիմի վատագույն զույգն են՝ Լա լիգայի մեկնարկային 12 տուրերում գրանցած արդյունավետությամբ:

Ֆուտբոլիստները դարձել են մեկական գոլի հեղինակ, ինչը վատագույն արդյունքն է նաև այս մրցաշրջանում: Այս մասին տեղեկացնում է  Marca-ն:

Մինչ այս «Ռեալ»-ում վատագույն արդյունքը գրանցվել էր  1942/43 և 1984/85 մրցաշրրջաններում, երբ Ալոնսոն և Բոտելյան, Սանտիլյանան ու Բուտրագենյոն 12 տուրերի ընթացքում դարձել են 3-ական գոլի հեղինակ:

Նշենք, որ Ռոնալդուն և Բենզեման Լա Լիգայի մեկնարկային 12 տուրերի՝ նաև արդյունավետության ռեկորդագիր են:

2014/15 մրցաշրջաններում ֆուտբոլիստները խփել են 27 գոլ: