Մայր գետ վերադարձող նոր առվակը...

Վազգեն Խաչիկյանы «Հայկական ժամանակ»-ի հետ զրույցում՝ պատասխանելով իր հետագա անելիքների, Սերժ Սարգսյանին շնորհակալություն հայտնելու ուղիների եւ ՀՀԿ-ին անդամակցելու հեռանկարի վերաբերյալ հարցերին՝ հայտարարել է, որ Սերժ Սարգսյանի կողմից իրեն նոր պաշտոն տալը՝ ֆանտաստիկայի ժանրից է, դա այնքանով  է հավանական, որքան որ ինքը տիեզերագնաց կարող է դառնալ:

Երկար ժամանակ՝ շուրջ չորս տարի սոցապ ծառայությունում կենդանի թոշակառուների և մահացածների միջոցները թալանած, պետական բյուջեից 260 միլիոն դրամ գրպանած Խաչիկյանը հիմա ազատության մեջ է և լիովին իրավունք ունի հատուցման գին ուզելու իր կուսակից ընկերներից:Ի դեպ՝ Խաչիկյանը չի էլ թաքցնում փաստը, որ շփումները ՀՀԿ-անների հետ չեն ընդհատվում, իսկ Է.Շարմազանովի անկեղծ խոստովանությունը, որ Խաչիկյանը իր ընկերն է գալիս է ապացուցելու այն պարզ ճշմարտությունը, որ պաշտոն ստանալը և տիեզերագնաց դառնալու հեռանկարը Խաչիկյանից այնքան էլ հեռու չէ: Պահանջելու իրավունք նա ունի, որովհետև աչքի առաջ են բազամաթիվ նման օրինակներ: Խաչիկյանը իր կրած պատժից իրականության զգացումը չի կորցրել, որպեսզի չտեսներ, թե ինչպես տասնյակ ու տասնյակ իր նման պաշտոնյաներ տարիներով թալանեցին պետությունը և ոչ միայն չհայտնվեցին ճաղերի ետևում, այլև արժանացան նորանոր պաշտոնների ու մանդատների: Օրինակները բազմաթիվ են, երբ նախկինում վտարվածները վերադարձել են և յուղոտ պատառներ ստացել՝ իշխանություններին ցուցաբերած ծառայությունների դիմաց: Վազգեն Խաչիկյանին, ով երիտհանրապետականների ամենանշանավոր դեմքերից էր, պատժեցին արդարացի: Սակայն նրա դատավճիռն մեկ այլ դրդապատճառ ուներ, այն է` բոլորին հասկացնել, որ գողություն Հայաստանում չի կարելի անել առանց իշխանական գրավոր և բանավոր թույլտվության:

Խաչիկյանին Ս. Սարգսյանը ներում է շնորհել այն դեպքում, երբ ՀՀԿ-ական նախկին պաշտոնյան ամբողջությամբ չի փոխհատուցել պետությանը հասցրած ավելի քան 290 մլն դրամի վնասը, որ դատարանի որոշմամբ պետք է բռնագանձվեր: Այժմ, ինչպես ինքը Խաչիկյանն է խոստովանում՝ ամեն օր աղոթքներում շնորհակալություն է հայտնում Սերժ Սարգսյանից: Հլը որ ու չաղոթեր....