Մխիթարյանը լավ սկսեց մրցաշրջանը, իսկ հետո սկսեց անհետանալ. Մոուրինյու
Սպորտ
«Մանչեսթեր Յունայթեդ»-ի գլխավոր մարզիչ Ժոզե Մոուրինյուն խոսել է Հենրիխ Մխիթարյանի մասին:
«Ինձ դուր չի եկել Մխիթարյանի ելույթները վերջին խաղերում: Խոսքը մեկ կամ երկու խաղի մասին չէ, այլ երեք, չորս կամ հինգ: Նա լավ սկսեց մրցաշրջանը, իսկ հետո քայլ առ քայլ սկսեց անհետանալ:
Նրա ելույթների մակարդակը գնալով վատանում է՝ գոլերի, արդյունավետ փոխանցումների, բարձր պրեսինգի, մրցակցի կիսադաշտում գնդակ խլելու և օգուտի տեսանկյունից, որը թիմին պետք է բերի 10 համարի ֆուտբոլիստը:
Դա բավական էր, որ մյուս խաղացողներին հնարավորություն տրվեր: Յուրաքանչյուրը արժանի է հնարավորություն ստանալուն»,-Մոուրինյուի խոսքը մեջբերում է ESPN FC-ն:
Անգլիայի առաջնությունում և Չեմպիոնների լիգայում Մխիթարյանը մասնակցել է 15 խաղի, խփել է 2 գոլ և կատարել 5 գոլային փոխանցում:
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
