«Բարսա»-ն տարվա մեջ առաջին անգամ՝ 2 խաղ անընդմեջ, միավոր կիսեց

Կատալոնյան «Բարսելոնա»-ն Իսպանիայի առաջնության 13-րդ տուրում ոչ-ոքի էր ավարտել հանդիպումը «Վալենսիա»-ի հետ (1:1):

Չորեքշաբթի օրն էլ կատալոնացիները միավոր էին կիսել Թուրինի «Յուվենտուս»-ի հետ (0:0)՝ Չեմպիոնների լիգայում:

Արդյունքում՝  «կապտանռնագույնները» տարվա մեջ առաջին անգամ երկու խաղ անընդմեջ ոչ-ոքի խաղացին: Այս մասին տեղեկացնում է Opta-ն:

2016թ.-ին կատալոնացիները  երեք խաղ անընդմեջ են ոչ-ոքի արդյունք գրանցել՝ միավոր կիսելով «Ռեալ Սոսյեդադ»-ի, «Էրկուլես»-ի և «Ռեալ»-ի հետ: