ԵԱՏՄ կազմից դուրս գալը Հայաստանի տնտեսական և պետական շահերից չի բխում. Գագիկ Մելիքյան

Եվրասիական տնտեսական միությունից դուրս գալը չի բխում Հայաստանի տնտեսական, պետական և անվտանգության շահերից: Հայաստանը ԵԱՏՄ կազմից դուրս բերելու «Ելք» խմբակցության նախաձեռնության վերաբերյալ խորհրդարանական լսումների ընթացքում այս մասին ասաց ՀՀ ԱԺ ՀՀԿխմբակցության քարտուղար Գագիկ Մելիքյանը: «Նաև շատ ընդդիմադիրելույթներում հնչեցին փաստեր, որոնք ևս ցույց են տալիս, որ պետք չէ դուրսգալ Եվրասիական տնտեսական միության կազմից, պետք չէ ընդհանրապեսնման գործընթաց սկսել»,- նշեց Մելիքյանը:

Անդրադառնալով ընդդիմադիր գործիչների հայտարարություններին, թե չեն ընդունում Եվրասիական տնտեսական միությունը` Գագիկ Մելիքյանն ընդգծեց, որ Եվրասիական տնտեսական միությունն ընդունում ու նրա հետ հաշվի է նստում Եվրոպական Միությունը: «Եվրոպական Միությունն է հաշվի նստում Ռուսաստանի և Եվրասիականտնտեսական միության անդամ բոլոր երկրների հետ, իսկ մենք ինչո՞ւ պիտիդրանից հրաժարվենք: Սա մեր կռիվը չի, սա գլոբալ աշխարհիգերտերությունների կռիվն է, իսկ մենք ընդամենը մասնիկ ենք ու մեր դիրքերըպետք է օգտագործենք ի շահ մեր պետության, պետականության ու մերժողովրդի, իսկ դրա համար ոչ թե պետք է քննադատենք, այլ աշխատենք»,- ընդգծեց Մելիքյանը:

Խոսելով հայտարարությունների մասին, թե ԵԱՏՄ-ին անդամակցելուց հետո նվազել են Հայաստանից որոշ արտադրատեսակների արտահանման ծավալները Ռուսաստանի Դաշնություն` Գագիկ Մելիքյանը նշեց, որ ոչ ոք չի խոսում այն մասին, որ այդ արտադրատեսակների արտադրության ծավալներն են նվազել, այլ միայն խոսում են արտահանման ծավալների նվազումից: «Մենք պետք է մտածենք դրանց արտադրության ծավալները մեծացնելու մասին, այլ ոչ թե դա կապենքմաքսատուրքերի փոփոխման հետ: Մաքսատուրքերի փոփոխությունը կարող է նպաստել արտադրության ավելացմանը, ամբողջ աշխարհը սա գիտի, մենք դեռ չգիտենք: Իրականում մաքսատուրքերի բարձրացմամբ մենք կարող ենք նվազեցնել ներմուծումը և զարկ տալ տեղական արտադրությանը»,-նշեց պատգամավորը:

Գագիկ Մելիքյանը չի ժխտում, որ Եվրասիական տնտեսական միությունն ունի խնդիրներ, ինչը բացատրվում է նրանով, որ միությունը դեռ կայացած չէ, այլ կայացման ճանապարհին է: «Այնպես չէ, որ Եվրոպական Միությունը խնդիրներ չունի: Եվրոպական Միության անդամ երկրներին նայեք, թե ինչ է կատարվում: Եկեքչմոռանանք Brexit-ը, որից ընդամենը մեկ տարի է անցել, և գործընթացը դեռևս չի ավարտվել»,- հավելեց ՀՀԿ խմբակցության քարտուղարը:

Մելիքյանը համաձայն է հնչող տեսակետների հետ, որ ՀԱՊԿ անդամ երկրներից առնվազն երկուսը ի նպաստ Հայաստանի չեն աշխատում, սակայն նկատեց, որ այնպես էլ չէ, որ այդ երկրները Հայաստանին շատ մեծ վնաս են հասցնում, որովհետև ՀԱՊԿ-ում, ի դեմս Ռուսաստանի, ունենք վստահելի գործընկեր, որը նպաստավոր պայմաններով Հայաստանին վարկ է տրամադրում, և ժամանակակից զենք: «Ուրիշ ո՞վ մեզ նման հնարավորություններ կտար մեր անվտանգությունն ապահովելու համար»,- եզրափակեց Մելիքյանը: