Կրկին ինքնասպանություն Երևանում. ինքնասպանությունը տեղի է ունեցել տխրահռչակ Ռուբինյանց 17 շենքից (Տեսանյութ, ֆոտոշարք)

Գագիկ Շամշյանը հայտնում է 12 Դեկտեմբեր, 2011 7:16

Ինչպես դեպքի վայրից ԼՈՒՐԵՐ.com-ին հայտնեց ֆոտոլրագրող Գագիկ Շամշյանը՝ առավոտյան, ժամը 09:30-ի սահմաններում, Քանաքեռ Զեյթուն վարչական շրջանում, Ռուբինյան 17 շենքից մի կին ցած է նետվել, ըստ երևույթին՝ ինքնասպանության նպատակով:

Դեպքի վայր ժամանած 1-03 ծառայության աշխատակիցները, համոզվելով որ կինը մահացած է, այդ մասին տեղեկացրել են ոստիկանության Քանաքեռ Զեյթունի բաժին: Արդեն դեպքի վայր են ժամանել ոստիկանության Քանաքեռ Զեյթունի բաժնի օպերատիվ քննչական խումբը՝ ոստիկանության Քանաքեռ Զեյթունի բաժնի պետ Կարեն Հովհաննիսյանի գլխավորությամբ:

Օպերատիվ քննչական խումբը կնոջ գրպանում հայտնաբերել է մի երկտող, որտեղ գրված է եղել նրա բնակության հասցեն և հեռախոսի համարը:

Ոստիկանությունը, զահգահարելով նշված հեռախոսահամարով, պարզել է, որ, այդ կինը բնակվում է Դեկաբրիստների փողոցում: Արդեն դեպքի վայր է ժամանել մահացած կնոջ որդին, ով հաստատել է, որ ինքնասպանություն գործածն իր մայրն է: Դեպքի վայր է ժամանել նաև դատական բժիշկը: Փաստի առթիվ՝ ոստիկանության ՔԳՎ Քանաքեռ Զեյթունի քննչական բաժնում նյութեր են նախապատրաստվում:

Ռուբինյանց 17 շենքի բնակիչները ֆոտոլրագրող Գագիկ Շամշյանին դառը կատակով հայտնել են, որ վերջին 2-3 տարվա ընթացքում 5 հոգի ինքնասպանություն են գործել՝ վայր նետվելով իրենց շենքից, ու որ ամենատարօրինակն այն է, որ ոչ ոք իրենց շենքի բնակիչ չի եղել: Բնակիչները տարակուսում են, որ պատկան մարմիններն այս տխուր փաստից համապատասխան եզրակացություն չեն արել:

Ձեռնարկված օպերատիվ-քննչական գործողությունների արդյունքում պարզվել է, որ ինքնասպանություն գործած կինն Երևանի բնակիչ 73-ամյա Մարուս Բոչոլյանն էր:

Լուսանկարները և տեսանյութը՝ Գագիկ Շամշյանի

{gallery}shamshyan/Inqnaspan-1{/gallery}