Օկրուաշվիլիին դատելու են զինված կազմավորման ստեղծման համար

Վրաստանի նախկին պաշտպանության և ներքին գործերի նախարար Իրակլի Օկրուաշվիլին, ով նաև «Վրացական կուսակցության» համահիմնադիրն է, ներկայանալու է դատարաննի առջև, բայց ոչ այն մեղադրանքներով, որոնցով որ ձերբակալվել է հայրենիք վերադառնալուն պես, այլ անօրինական զինված կազմավորման ստեղծման մեջ. հայտարարել է Օկրուաշվիլիի իրավաբան Զվիադ Կորձաձեն: Այս ամենի մասին հաղորդում է РИА «Новости»-ն:

Իրավաբանը նշել է, որ գործը վերաբերում է 2011թ. մայիսին կայացած իրադարձություններին: Այն ժամանակ Ներքին գործերի նախարարությունը հրապարակել էր տեսանյութեր, ինչպես նաև ձայնագրված նյութեր, որոնց համաձայն Օկրուաշվիլիի և նրա բարեկամ Իոսիֆ Գիգուաշվիլիի, ով ևս ձերբակալվել է երեքշաբթի առավոտյան, հանձնարարությամբ Վրաստանում սկսում է ձևավորվել զինված կազմավորում, որը նպատակ ուներ իրականացնելու հակաիշխանական գործողություններ նախկին նախարարի` պետություն վերադառնալուց հետո, ինչը նախատեսվում էր նույն տարվա մայիսին:

Նյութերի հրապարակման պահին ՆԳՆ-ն հայտարարել է այդ կազմավորման 15 մասնակիցներին: Նրանք բոլորը 2011թ. հունիսին ձերբակալվել էին և օգոստոսին դատապարտվել ազատազրկման տարբեր ժամկետներով` 5-10 տարով` մեղադրվելով անօրինական զինված կազմավորման ստեղծման, հրազենի և զինամթերքի պահպանման ու իշխանություններին դիմադրություն ցույց տալու մեջ: Թբիլիսիի քաղաքային դատարանը Իրակլի Օկրուաշվիլիին հեռակա կարգով դատապարտել է 11 տարի ազատազրկման:

«Օկրուաշվիլին պատրաստվում է դատարանում ապացուցել իր անմեղությունը, հատկապես, որ ուղիղ մեղադրանքներ նրա դեմ չկան»,- հայտարարել է Կորձաձեն:

«Վրացական կուսակցության» տեղեկատվության համաձայն` Թբիլիսիի քաղաքային դատարանի քրեական իրավունքի կոլեգիան քննելու է երեքշաբթի ուշ երեկոյան: