Ճապոնական իշխանությունները տնտեսության կայունացման համար նոր միջոցներ են ձեռնարկելու

Ճապոնիայի իշխանությունը որոշել է օգտագործել այս տարվա բյուջեով սահմանված պահուստային ֆոնդի միջոցները՝ տնտեսական ծրագրերը ֆինանսավորելու համար: Այդ մասին երեկ հայտնել է ճապոնական իշխանության գլխավոր քարտուղար Օսամու Ֆուձիմուրան: Նախորդ ամիս ճապոնական իշխանությունները արդեն հայտնել էին տնտեսական ծրագրերի ֆինանսավորման առաջին փուլի մասին, որը կազմել է 750 մլրդ յուան:

Էկոնոմիկայի նախարար Սեիձի Մաեխարան հայտնել է, որ պահուստային ֆոնդի միջոցները բավարար չեն տնտեսական իրավիճակը շտկելու համար: Նախարարն առաջարկել է լրացուցիչ ծրագրեր օգտագործել՝ տնտեսական ճգնաժամից դուրս գալու համար: Սակայն այսօր Ճապոնիայի կենտրոնական բանկը հրաժարվել է որևէ լրացուցիչ միջամտություն ցուցաբերել:

Bloomberg գործակալության կողմից հարցված մասնագետների մեծամասնությունը գտնում է, որ արդեն այս տարվա դեկտեմբերին ֆինանսական կարգավորիչները կսկսեն իրականացնել մոնետար քաղաքականություն:

Դեկտեմբերի 16-ին Ճապոնիայում տեղի են ունենալու խորհրդարանական ընտրություններ: Դա խոչընդոտում է ճապոնական ղեկավարությանը` հաղթահարելու ստեղծված ճգնաժամը: Ուստի Ճապոնիան կարող է կանգնել տնտեսական երրորդ անկման առջև: Տնտեսական անկում արձանագրվում է այն ժամանակ, երբ երկու եռամսյակ անընդմեջ տնտեսական ցածր ցուցանիշներ են արձանագրվում:

Bloomberg-ի կողմից հարցված մասնագետները կանխատեսել են, որ ճապոնական տնտեսությունը սեպտեմբեր-դեկտեմբերին կնվազի 0.4%-ով: Երրորս եռամսյակում տնտեսական անկումը կազմել էր 3.5%:

Ճապոնական տնտեսության անկումը պայմանավորված է երկրի համար կարևոր շուկաներում ճապոնական արտադրանքի պահանջարկի նվազումով: Խոսքը Եվրոպայի, որը խորը ճգնաժամի մեջ է և ԱՄՆ-ի մասին է: Նաև նվազել են Չինաստանում իրացվող ապրանքների ծավալները: