Ստամբուլում հայ կաթոլիկների գերեզմանոցի տարածքը վերադարձվել է հայերին
Վերջին լուրեր
82 տարի անց կրկին հայերին է վերադարձվել Ստամբուլի Մեջիդիյեքյոյ շրջանում գտնվող հայ կաթոլիկների գերեզմանը, հաղորդում է «Արմենպրես»-ը՝ վկայակոչելով թուրքական HaberTurk լրատվական գործակալությանը:
Նշենք, որ Թուրքիայի Հիմնադրամների գլխավոր վարչությունը թույլատրել է գերեզմանոցի 40 հազար 500 քառակուսի մետր ընգրկող տարածքը հանձնել Սուրբ Հակոբ հիվանդանոցի հիմնադրամին: Վարչության հաղորդած տեղեկության համաձայն` երբ Ստամբուլի շրջանային վարչությունը հաստատի որոշումը, կսկսվեն տարածքի սեփականաշնորհումը և հիվանդանոցի հիմնադրամի անունով գրանցումը:
Սուրբ Հակոբ հիվանդանոցի հիմնադրամի նախագահ Բեռնարդ Սարըբայը կատարվածի կապակցությամբ նշել է, որ 82 տարի անց գերեզմանոցի տարածքի վերադարձը երջանկացրել է իրենց:
Հիշեցնենք, որ գերեզմանոցի տարածքը 1930 թ. ընդունված որոշմամբ հանձնվել էր Ստամբուլի քաղաքապետարանին: Չնայած այն հանգամանքին, որ գերեզմանոցի սեփականաշնորհման վերաբերյալ ոչ մի փաստաթուղթ դեռևս չի եղել հայերի մոտ, այդուհանդերձ, հայերը մինչ օրս էլ շարունակում են թաղումներ իրականացնել Մեջիդիյեքյոյի հայկական գերեզմանոցում:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
