Վարդան Օսկանյանին անձեռնմխելիությունից զրկելը՝ «իզուր թատրո՞ն»

Facebook սոցցանցի օգտատեր Համլետ Կիրակոսյանն իր էջում գրել է.

«Արդեն իսկ ակնհայտ է, որ նախկին արտգործնախարար, ներկայիս ԲՀԿ-ական Վարդան Օսկանյանի՝ նախագահական ընտրություններում հնարավոր առաջադրման հարցը վերջնականապես դուրս է եկել օրակարգից: Այս մասին հստակորեն արտահայտվել է նաեւ ինքը՝ Վ. Օսկանյանը, իր ֆեյսբուքյան էջում: Ակնհայտ է նաեւ, որ ԲՀԿ-ում նախապես քննարկվում էր հենց Օսկանյանի թեկնածության հարցը, ընդ որում՝ ինչպես նշել է ինքը, հենց Գագիկ Ծառուկյանի առաջարկով: Հետո եղավ «Սիվիլիթասի» գործը, անձեռնմխելիությունից զրկելը, կալանավորման հեռանկարը...
Հետո Օսկանյանի անունը՝ որպես հնարավոր նախագահացու, սկսեց ավելի քիչ շոշափվել. թերեւս հնարավոր կալանավորման «դռները փակելու» համար, ամեն դեպքում՝ զգուշությունը լավ բան է: Հետո արդեն սկսվեց ավելի շատ արծարծվել Գագիկ Ծառուկյանի անունը:

Եթե «Սիվիլիթասի» փողերի լվացման գործի հարուցումն ու հրապարակայնացումը իշխանության քայլն էր ընդդեմ նախագահացու Օսկանյանի, ուրեմն դուրս է գալիս, որ իզուր «խեղճ» մարդուն օրեր ու շաբաթներ պահեցին անհարմար, վիրավորված ու սրտատրոփ «վախի» վիճակի մեջ, որը նրա դեմքին «նստած» էր Ազգային ժողովի համապատասխան նիստի ժամանակ: Ուրեմն՝ իզուր թատրոն սարքեցին ու հանրապետական հին ու նոր գվարդիականների, դհոլների ու բաբուխների ստալինյան ելույթներով նրան զրկեցին անձեռնմխելիությունից…

Չնայած՝ ո՞վ գիտի…»։