Ինչի՞ց է մահացել Ֆլորա Մարտիրոսյանը. բժշկի պարզաբանումը

Գևորգ Սաղաթելյանը (Gevorg Sakhatelyan) Facebook սոցցանցի իր էջում գրել է. 

«Հայաստանի վաստակավոր արտիստ, սիրված երգչուհի Ֆլորա Մարտիրոսյանի մահվան պատճառը կարող էր լինել «տրոմբոեմբոլիա» կոչվող հիվանդությունը: «Առաջին լրատվական»-ի հետ զրույցում նման կարծիք հայտնեց «Արթմեդ» բժշկական կենտրոնի վիրաբույժ Էլման Ամիրյանը.

«Նա ուներ 4-րդ աստիճանի ճարպակալում: 50 տարեկանից բարձր կանանց և տղամարդկանց մոտ այս դեպքում շատ հնարավոր է առաջանա «տրոմբոեմբոլիա»: Այսինքն՝ արյան մեջ տրոմբ է առաջանում, այդ տրոմբը պոկվում է և կախված նրանից, թե ինչ զարկերակ կխցանի, կարող է մահվան պատճառ դառնալ: Հաճախակի տրոմբը խցանում է սրտի զարկերակը, ուղեղի արյան անոթները խցանելու դեպքում առաջանում է ուղեղի կաթված, թոքային զարկերակը խցանելու դեպքում մարդը տեղնուտեղը մահանում է: Արյան սնուցող զարկերակը խցանվում է և խցանման տեղից առաջանում է գանգրենա:

Իմ տպավորությամբ՝ նրա մոտ լեղապարկի վիրահատությունից հետո նման մի բարդություն է առաջացել, բայց թե կոնկրետ որը՝ չեմ կարող ասել»,-նշեց Է. Ամիրյանը»: