Ե՛վ Իսրայելը, և՛ ՀԱՄԱՍ-ը տոնում են իրենց հաղթանակը միմյանց նկատմամբ

Գազայի հատվածի բնակիչները բուռն տոնում են զինադադարը Իսրայելի և ՀԱՄԱՍ-ի միջև։ Փողոց են դուրս եկել տասնյակ հազարավոր մարդիկ, նրանք թափահարում են դրոշակներ և օդ կրակում։ Երկար սպասված զինադադարի հայտարարությունն արվել է Կահիրեում Եգիպտոսի ԱԳ նախարար Մուհամմեդ Ամրը: Ինչպես հաղորդել են Թել Ավիվում, համաձայնությունից հետո զինյալները մի քանի հրթիռ են բաց թողել պաղեստինյան ինքնավարության կողմից։ Սակայն Իսրայելը դրանց արդեն պատասխան չտվեց։

Զինադադարի մեկնարկից ընդամենը մի քանի րոպե առաջ իսրայելական ավիացիան տասնյակ հրթիռային հարված է հասցրել Գազայի ուղղությամբ։ Ընդհանուր առմամբ՝ իսրայելական բանակի մեկ շաբաթ տևած մասշտաբային ռազմական օպերացիան խլել է 162 մարդու կյանք, այդ թվում՝ նաև 43 երեխայի և 11 կնոջ, վիրավորվել է մոտ 2350 պաղեստինցի։

Իսրայելը ռմբակոծության հետևանքով կորցրել է 5 մարդ, տասնակ մարդիկ վիրավոր են։