Կառավարությանը ներկայացվեց էկոնոմիկայի նախարարության հաշվետվությունը

Այսօր Կառավարության նիստի ժամանակ վարչապետ Տիգրան Սարգսյանը շնորհավորեց ՀՀ բանկային համակարգի աշխատողներին իրենց տոնի կապակցությամբ։ 

Տիգրան Դավթյանը վարչապետին ներկայացրեց հաշվետվություն Հայաստանի Հանրապետության էկոնոմիկայի նախարարության համակարգման ոլորտների կողմից ապահովված տնտեսական աճի ցուցանիշների վերաբերյալ։

Նա ներկայացրեց հիմնականում չորս խոշոր ուղղություններ՝ արդյունաբերություն, մեծածախ առևտուր, տեղեկատվական տեխնոլոգիաներ, զբոսաշրջային գործունեություն։

Մշակող արդյունաբերության ճյուղերում հարկային մուտքերը 2012–ի 10 ամիսների ընթացքում կազմել են 70.1 մլրդ դրամ, 2011 թվականի 10 ամիսների ընթացքում' 57.7 մլրդ դրամ: Աճը կազմել է 12.4 մլրդ դրամ (կամ 21.5 %):

Սոց վճարի գծով մուտքերը 2012 թվականի 10 ամիսների ընթացքում կազմել են 16.6 մլրդ դրամ, 2011 թվականի 10 ամիսների ընթացքում' 15.9 մլրդ դրամ: Աճը կազմել է շուրջ 0.7 մլրդ դրամ (կամ 4.1 %):

Մեծածախ և մանրածախ առևտրի ոլորտում հարկային մուտքերը 2012 թվականի 8 ամիսների ընթացքում կազմել են 59.7 մլրդ դրամ, 2011 թվականի 8 ամիսների ընթացքում' 50.5 մլրդ դրամ: Աճը կազմել է 9.2 մլրդ դրամ (կամ 18.3 %):

Սոց վճարի գծով մուտքերը 2012 թվականի 8 ամիսների ընթացքում կազմել են 12.5 մլրդ դրամ, 2011 թվականի 8 ամիսների ընթացքում' 11.6 մլրդ դրամ: Աճը կազմել է շուրջ 0.9 մլրդ. դրամ (կամ 7.8 %):

Ծրագրային ապահովման մշակման, խորհրդատվությունների և համակարգչային տեխնոլոգիաների հարակից գործունեության, տեղեկատվական ծառայությունների մատուցման ոլորտներում հարկային մուտքերը 2012 թվականի 8 ամիսների ընթացքում կազմել են 3.3 մլրդ դրամ, 2011 թվականի 8 ամիսների ընթացքում՝ 2.7 մլրդ դրամ: Աճը կազմել է 0.6 մլրդ դրամ (կամ 22.7 %):

Սոց վճարի գծով մուտքերը 2012 թվականի 8 ամիսների ընթացքում կազմել են 1.2 մլրդ դրամ, 2011 թվականի 8 ամիսների ընթացքում' 1.0 մլրդ դրամ: Աճը կազմել է շուրջ 0.2 մլրդ. դրամ (կամ 17.5 %):

Զբոսաշրջային գործակալությունների, զբոսաշրջային օպերատորների գործունեության, տեղերի ամրագրման և զբոսաշրջության ծառայությունների այլ ոլորտներում հարկային մուտքերը 2012 թվականի 8 ամիսների ընթացքում կազմել են 971.8 մլն. դրամ, 2011 թվականի 8 ամիսների ընթացքում' 669.7 մլն. դրամ: Աճը կազմել է 302.1 մլն. դրամ (կամ 45.1 %):

Սոց վճարի գծով մուտքերը 2012 թվականի 8 ամիսների ընթացքում կազմել են 292.4 մլն. դրամ, 2011 թվականի 8 ամիսների ընթացքում՝ 258.7 մլն. դրամ: Աճը կազմել է շուրջ 33.7 մլն. դրամ (կամ 13 %):

Վերը թվարկված բոլոր ոլորտներում միասին հարկային մուտքերը 2012 թվականի 8 ամիսների ընթացքում կազմել են 134.1 մլրդ դրամ, 2011 թվականի 8 ամիսների ընթացքում՝ 111.6 մլրդ դրամ. աճը կազմել է 22.5 մլրդ դրամ (կամ 20.2 %): Իսկ սոց վճարի գծով մուտքերը 2012 թվականի 8 ամիսների ընթացքում կազմել են 30.6 մլրդ դրամ, 2011 թվականի 8 ամիսների ընթացքում՝ 28.8 մլրդ դրամ. աճը կազմել է 1.8 մլրդ դրամ (կամ 6.2 %):

Ընդամենը հարկային և սոց վճարի գծով մուտքերը 2012 թվականի 8 ամիսների ընթացքում կազմել են 164.7 մլրդ դրամ, 2011 թվականի 8 ամիսների ընթացքում' 140.4 մլրդ դրամ. աճը կազմել է 24.3 մլրդ դրամ (կամ 17.3 %):

Վերը թվարկված ոլորտներում 2012 թվականի հունիս ամսվա դրությամբ աշխատողների միջին թվաքանակը կազմել է 189711 մարդ, իսկ 2011 թվականի հունիս ամսվա դրությամբ՝ 180671 մարդ, կամ ավելացել է 9040 մարդով: