Զինադադարից հետո Իսրայելի ուղղությամբ 12 հրթիռ է բաց թողնվել

Իսրայելի և պաղեստինցիների միջև հաստատված զինադադարից ի վեր Իսրայելի տարածքում պայթել է 12 հրթիռ, որոնք բաց են թողնվել Գազայի հատվածից պաղեստինյան զինյալների կողմից. այս մասին հաղորդել է իսրայելական ոստիկանության ներկայացուցիչը լրագրողների հետ զրույցում. փոխանցում է Korrespondent.net-ը։ Նրա խոսքերով՝ հրթիռների մծ մասը պայթել է Իսրայելի հարավի ամայի շրջաններում։ Մինչդեռ իսրայելական իշխանությունները հայտարարել են այն մասին, որ հինգշաբթի օրը երկրի հարավում բոլոր դպրոցները փակ կլինեն։
Ավելի վաղ Իսրայելի զինվորականները հաղորդել էին պաղեստինյան կողմից բաց թողնված 5 հրթիռի մասին։

Հիշեցնենք, որ չորեքշաբթի օրը երեկոյան Իսրայելը եզրափակել էր ռազմական գործողությունները Գազայի հատվածում՝ համաձայնելով մեկ շաբաթ տևած փոխռմբակոծությունից հետո զինադադարի պաղեստինյան զինյալների հետ։