Իտալիայում 400 քաղաքների քաղաքապետեր սպառնում են հրաժարական տալ

Իտալիայում 400 քաղաքների քաղաքապետեր սպառնում են հրաժարական տալ, եթե կառավարությունը կրճատի շրջանների ֆինանսավորումը: Միլանում քաղաքապետերը բողոքի ակցիա են կազմակերպել՝ ուղղված կոշտ տնտեսության միջոցառումների շրջանակներում երկրի բյուջեի կրճատումների դեմ: Այս մասին հաղորդում է Риа Новости-ն՝ հղում կատարելով տեղական ԶԼՄ-ներին:

Քաղաքների ղեկավարները, որոնց թվում են Հռոմը, Միլանը, Թուրինը, Վենետիկը, փողոց են դուրս եկել խորհրդարանում բյուջեի քննարկման ժամանակ և սպառնացել են հրաժարական տաl, եթե խորհրդարանը հաստատի այդ փաստաթուղթը, որը նախատեսում է կրճատել համայնքներին հատկացվող ֆինանսավորումը:

Այդ որոշումը հավանության է արժանացել Իտալիայի նախարարների խորհրդի կողմից: Ենթադրվում է, որ կոշտ տնտեսական միջոցառումները կօգնեն երկրում վերականգնել ֆինանսական կայունությունը: