Արդարությունը Վրաստանում վերականգնված է. Իվանիշվիլի

Վրաստանի վարչապետ Բիձինա Իվանիշվիլին հայտարարել է, թե ի կատար է ածել վրաց ժողովրդին տված իր խոստումը, և արդարության զգացողությունը Վրաստանում վերականգնել է. փոխանցում է Newsgeorgia-ն:

«Մենք շատ ենք աշխատում մեր նախընտրական շրջանում տված խոստումները կատարելու ուղղությամբ: Մենք պետք է իրագործենք դրանք բոլորը»,-հայտարարել է Իվանիշվիլին մամլո ասուլիսի ժամանակ:

Նրա խոսքերով՝ ոստիկանության համակարգում բռնության դրսևորումները, որոնք իրենց տեղն էին գտել նախկին իշխանությունների օրոք, այժմ արմատախիլ են արված: