Քեյթ Մոսի դաջվածքը գնահատել են երկու միլիոն

Մոդելի մարմնի դաջվածքը համարել են արվեստի գործ:

Քեյթ Մոսի դաջվածքն արժե գրեթե երկու միլիոն ԱՄՆ դոլար: Այսպիսի արժեքի մասին է խոսել մոդելն իր հարցազրույցներից մեկում:
Դաջվածքն իրենից ներկայացնում է երկու թռչունների, որոնք արված է աստղի մեջքի հատվածում: Նկարը դաջել է 20-րդ դարի ամենահայտնի և բարձր վճարվող նկարիչներից մեկը՝ Լյուսեն Ֆրեյդը:

Քեյթ Մոսը պատմել է, որ նա ծանոթացել է Ֆրեյդի հետ 2002 թվականին, և վերջինս իրեն առաջարկել է դաջվածք անել:

«Նա պատմել է, որ 19 տարեկանում ծառայելիս նա նավաստիների համար դաջվածքներ է արել: Ապա հարցրեց՝ չե՞մ ցանկանա դաջվածք ունենալ ինձ վրա: Ֆրեյդն առաջարկեց ընտրել որևէ բան կենդանական աշխարհից»,- իր հիշողություններով կիսվել է մոդելը:

Մոսը նաև ասել է, որ նկարիչը նախ իրեն առաջարկել է հավ դաջել, իսկ արդյունքում ստացել են երկու ճնճղուկներ, որոնք հիշեցնում են ծիծեռնակների:

Բացի այդ, Ֆրեյդը ստեղծել է մերկ Քեյթի նկարը, երբ նա հղի էր: Այս աշխատանքը վաճառվել է աճուրդում 3,9 մլն ֆունտ սթերլինգով: Իսկ դաջվածքի արժեքը կարող է կազմել մոտավորապես 1,5 մլն ԱՄՆ դոլար: Գրում է news.guru.ua-ն: