Հայաստանը ՖԻՖԱ-ի դասակարգման աղյուսակում կբարձրանա 75-րդ հորիզոնական

football-rankings.info կայքը հրապարակել է ՖԻՖԱ-ի վարկանշային աղյուսակի նախնական տարբերակը։

Ըստ կայքի՝ առաջատարի դիրքը կշարունակի պահպանել Իսպանիայի հավաքականը, երկրորդը կլինի Գերմանիան, իսկ լավագույն եռյակը կեզրափակի Արգենտինան։

Հայաստանի հավաքականը կբարելավի իր դիրքերը` տարին ավարտելով 75-րդ հորիզոնականում։

Աշխարհի 2014-ի առաջնության ընտրական փուլում մեր հավաքականի մրցակիցները տարին կավարտեն հետևյալ արդյունքներով՝ Իտալիա՝ 4-րդ հորիզոնական, Դանիա՝ 23-րդ, Չեխիա՝ 29-րդ, Բուլղարիա՝ 51-րդ և Մալթա՝ 145-րդ հորիզոնական:

Տասնյակը կունենա հետևյալ տեսքը.

1. Իսպանիա
2. Գերմանիա
3. Արգենտինա
4. Իտալիա
5. Կոլումբիա
6. Անգլիա
7. Պորտուգալիա
8. Նիդերլանդներ
9. Ռուսաստան
10.Խորվաթիա

ՖԻՖԱ-ն վարկանշային աղյուսակը  պաշտոնապես կհրապարակի դեկտեմբերի 19-ին։