Ոստիկանությունը խաբեությա՞մբ է բերման ենթարկել «Հակահարված»-ի տղաներին

Այսօր Երևանի պետական համալսարանի ներսում իրենց հերթական ակցիայի ժամանակ ծեծի են ենթարկվել «Հակահարված» art խմբի անդամները:

Ինչպես Lurer.com-ի հետ զրույցում ասաց ՀԱԿ ակտիվիստ Արեգ Գևորգյանը, սև շենքի անվտանգության աշխատակիցների ուղեկցությամբ մի խումբ անհայտ անձինք հարձակվել և ծեծի են ենթարկել ակցիայի մասնակիցներին: 

Ոստիկանները «Հակահարված»-ի անդամներին հրավիրել են իբրև թե հաղորդում տալու, բայց այս պահին նրանք գտնվում են բերման ենթարկվածի կարգավիճակում, բացի այդ, ոստիկանների կողմից նրանց նկատմամբ ճնշումներ են գործադրվում: Նրանք այս պահին ոչինչ չեն խոսում և չեն գրում՝ սպասելով փաստաբաններին: