Լիտվայի կառավարությունը սոցիալ-դեմոկրատ է գլխավորել

Լիտվայի նոր կառավության ղեկավար է դարձել Ալգիրդաս Բուտկյավիչյուսը՝ «Սոցիալ-դեմոկրատական կուսակցության» առաջնորդը, ով հաղթանակ է տարել վերջերս կայացած խորհրդարանական ընտրություններում։ Ինչպես հաղորդում է Delfi.lt-ը, նոր գումարման խորհրդարանը հաստատել է նրան երկրի վարչապետի պաշտոնում։

Բուտկյավիչուսի թեկնածությանը կողմ է եղել 141 պատգամավորից 90-ը։ Դեմ է քվեարկել 40 խորհրդարանական։

Պաշտոնապես դառնալով վարչապետ՝ սոցիալ-դեմոկրատնրի առաջնորդը հայտարարել է, որ պատրաստ է աշխատել Լիտվայի բոլոր բնակիչների բարօրության համար։ Նրանից առաջ այս պաշտոնը զբաղեցրել է Անդրյուս Կուբիլյուսը, նա ևս շնորհավորել է նորընտիր վարչապետին, զգուշացնելով, որ նրան ծանր աշխատանք է սպասվում։