Իվանիշվիլին չի ցանկանում այցելել Ռուսաստան
Վերջին լուրեր
Վրաստանի կառավարության ղեկավար Բիձինա Իվանիշվիլին հինգշաբթի օրը մամուլի ասուլիսի ընթացքում հայտարարել է, որ մտադիր չէ այցելել Ռուսաստան, մինչև Մոսկվան չճանաչի Աբխազիայի և Հարավային Օսիայի անկախությունը, սակայն թույլ է տալիս այն միտքը, որ կարող է հանդիպել ռուսական իշխանության ներկայացուցիչների հետ։
«Իմ այցը Ռուսաստան չի կայանա, քանի դեռ Ռուսաստանը դեսպանատներ ունի Աբխազիայում և Օսիայում։ Սակայն կարելի է ձեռնարկել որոշ քայլեր, որպեսզի հանդիպումը (Ռուսաստանի ղեկավարության հետ) տեղի ունենա, ասենք, Եվրոպայում՝ Ռուսաստանի սահմաններից դուրս որևէ տեղ, թեև հիմա դրա մասին խոսք չկա անգամ ռուս-վրացական հարաբերությունների հարցով իմ հատուկ ներկայացուցչի մակարդակով»,-հայտարարել է Իվանիշվիլին վարչապետի պաշտոնում իր առաջին մամուլի ասուլիսի ժամանակ. փոխանցում է Интерфакс-ը։
«Ռուսաստանի հետ հարաբերությունները չեն կարող լինել այնպես, ինչպես նախորդ իշխանությունների օրոք էր։ Չնայած այն հանգամանքին, որ մեր առաջին քայլը վարչապետի՝ ռուս-վրացական հարաբերությունների կարգավորման հարցով հատուկ ներկայացուցչի նշանակումն էր, Ռուսաստանի արձագանքն ադեկվատ չէր և պատասխան քայլ չհետևեց, և ես հույս ունեմ, որ մեր գալու հետ հարաբերությունները կփոխվեն, և հարաբերությունների ջերմացման գործընթացը կմեկնարկի»,-ասել է Իվանիշվիլին։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
