Մարգարիտա Սիմոնյանի ղեկավարած հեռուստաալիքը 3-րդն է Մեծ Բրիտանիայում

Հայազգի Մարգարիտա Սիմոնյանի ղեկավարած անգլալեզու Russia Today ռուսական հեռուստաընկերությունը 3-րդ տեղն է զբաղեցրել Մեծ Բրիտանիայում հեարձակվող լրատվական ալիքների մեջ: Նրանից առաջ են գտնվում միայն BBC News-ը և Sky News-ը: Այս մասին հաղորդում է բրիտանական հեռուստաընկերությունների վարկանշային համազգային համակարգը՝ BARB-ը:

BARB-ի տվյաների համաձայն՝ Անգլիայում Russia Today-ը դիտում է օրական 555 հազար մարդ: Ամսական Russia Today-ի դիտումներն ապահովում է 1.3 մլն մարդ: Russia Today-ի հեռուստալսարանը երկու անգամ գերազանցում է Euronews-ին: Նրան զիջում են նաև քաթարական Al Jazira English-ը, գերմանական Deutsche Welle-ն, ֆրանսիական France 24-ը, ամերիկյան Bloomberg-ը և իրանական Press TV-ն:

Սա մեծ հաջողություն է ցանկացած անգլալեզու հեռուստաընկերության համար. հայտարարել է Russia Today-ի գլխավոր խմբագիր Մարգարիտա Սիմոնյանը: