Ե՛վ իշխանությունը, և՛ ընդդիմությունը պետք է պայքարեն զոմբիների դեմ

Facebook-ի օգտատեր, քաղաքական փորձագետ Տիգրան Աբրահամյանն իր էջում գրում է. 

«Ընդդիմության ակտիվիստներն իշխանության մոտեցումները պաշտպանողներին են զոմբի անվանում, իսկ իշխանական կուսակցությունների ակտիվիստները՝ ընդդիմությանը: Իրականում շատ դեպքերում չափազանցություններ լինում է, սակայն միաշանակ է, որ հասարակության մեջ զոմբիացումն իր հաստատուն տեղն է գրավել: Սակայն խնդիրը նրանում է, որ այդ հասկացողությունը ոչ միշտ է իր բուն իմաստով օգտագործվում, շատ ժամանակ այն օգտատերերը, ովքեր հակառակ տեսակետ եմ արտահայտում, թյուրիմացաբար որակվում են զոմբիներ: Առհասարակ զոմբիներ կան բոլոր ոլորտներում և՛ չինովնիկների մեջ, և՛ ընդդիմության հատվածում, ընդ որում՝ դրանք անտանելի են յուրովի: Մեզանում ամենավտանգավորն այն զանգվածն է, որը ոչ մի դեպքում դիմացինին չլսելուց բացի այլ կարծիք տանել չի կարողանում, իր համար դիմացինի կարծիքը, եթե նույնիսկ որևէ բաղադրիչով հակասում է իրենին, ուրեմն «մահացու հարված» է: Մեկ այլ վտանգավոր երևույթ է, երբ քաղաքական-հասարակական քննարկումները վերածվում են անձնական վիրավորանքների, «ռազբոռկաների»: Իրականում զոմբիների «կատարած աշխատանքի» արդյունավետությունը 0 է: Դա է պատճառը, որ և՛ իշխանությունը, և՛ ընդդիմությունը իրենց մեջ պետք է պայքարեն դրա դեմ, հակառակ դեպքում կզոմբիացվի ողջ հասարակությունը (բնական է, որ ցանկացած դեպքում որոշակի առողջ զանգված միշտ էլ մնայուն է)»: