Կոբզոնի համերգի հասույթը՝ Գյումրու երաժշտական դպրոցներին

Նոյեմբերի 22-ին՝ ժամը 16:00-ին, Արամ Խաչատրյան համերգասրահում կայացել է մամուլի ասուլիս նվիրված Իոսիֆ Կոբզոնի հոբելյանական հյուրախաղերի երևանյան համերգին: Ասուլիսին մասնակցում էին ՀՀ մշակույթի նախարարի տեղակալ Արթուր Պողոսյանը, ԽՍՀՄ ժողովրդական արտիստ Իոսիֆ Կոբզոնը, «Սոզվեզդիե» միջազգային բարեգործական հիմնադրամի նախագահ Արտակ Թովմասյանը:

Այսօր՝ ժամը 19:00-ից, Արամ Խաչատրյան համերգասրահում ընթանում է հանրաճանաչ երգչի ծննդյան 75-ամյակին նվիրված հոբելյանական հյուրախաղերի երևանյան համերգը: Համերգն իրականացվում է «Սոզվեզդիե» միջազգային բարեգործական հիմնադրամի նախաձեռնությամբ, ՀՀ մշակույթի նախարարության աջակցությամբ: Համերգից ստացված հասույթը կուղղվի ՀՀ նախագահի տիկին Ռիտա Սարգսյանի հովանու ներքո գործող Երաժշտական գործիքների շրջանառու հիմնադրամին՝ Գյումրու երաժշտական դպրոցների համար երաժշտական գործիքների ձեռքբերման նպատակով: