Հայաստանում եզդի և մուսուլման քրդերի միջև թշնամություն սերմանելն ո՞ւմ է ձեռնտու

2012թ. նոյեմբերի 7-ի երեկոյան Իրաքի Բաշիկա և Բահզան շրջաններում մի խումբ ահաբեկիչների կողմից միաժամանակ 3 պայթյուն է իրականացվել, որի արդյունքում զոհվել են 2, վիրավորվել՝ 16 եզդի քրդեր: Դեպքից անմիջապես հետո շրջանները վերահսկվել են Քուրդիստանի ինքնավարության պեշմարգաների ու ոստիկանների կողմից: Վերջիններս ձերբակալել են մի քանի ահաբեկիչների: Անցկացվում է հետաքննություն:

Ինչպես հայտնի է, ըստ Իրաքյան Դաշնության Օրենսդրության 140-րդ հոդվածի՝ Քիրքուք, Շանգալ, Խանըկին, Բաշիկա, Բահզան, Շեխան, Թիկլեֆ և այլ շրջաններ իրենց ցանկությամբ ու ազատ որոշմամբ կարող են մտնել կամ Քուրդիստանի ինքնավարության կազմի մեջ, կամ՝ մնալ արաբական գերիշխանության տակ: Ցավոք, մինչ մենք տարված էինք մեր խնդիրներով ու օգնության էինք կանչում Քուրդիստանի պեշմարգաներին մեզ ահաբեկչական խմբերից ու մոլեռանդ մուսուլմաններից պաշտպանելու՝ տեղեկացանք, որ հայաստանյան մամուլում Սինջար եզդիական կազմակերպության կողմից ապատեղեկատվություն է տարածվել, թե իբր Բաշիկա շրջանում քրդերի հարձակման արդյունքում 10 եզդի է սպանվել և ևս հարյուրը վիրավորվել: Հայաստանաբնակ եզդի քրդերը մեզնից հարցնում էին. արդյո՞ք եղել է նման բան: Իրականությունը սա է. արաբական ահաբեկչական խմբերի կողմից է պայթյուն իրականացվել: Արդյունքում զոհվել է 2, վիրավորվել՝ 16 հոգի: Եզդի քրդերը այս շրջաններում կարողանում են շարունակել ապրել Քուրդիստանի պեշմարգաների պաշտպանությամբ ու հսկողությամբ: Դատապարտում ենք Սինջար եզդիական կազմակերպության ինքնագործունեությունն ու տարածած ապատեղեկատվությունը: Հայկական լրատվամիջոցներին էլ կոչ ենք անում լրագրողական սկզբունքներին հակա չգործել և իրենց հայրենակիցների շրջանում իրականությանը չհամապատասխանող կողմնորոշում չձևավորել: Տեսնես մի ժողովուրդ, որն ինքն էլ է ցեղասպանություն ապրել, պետություն ունենալուց և անկախ լինելուց հետո՝ ինչպե՞ս կարող է խաղալ բարեկամ ժողովուրդների վերքերով: Տեսնես Հայաստանում եզդի քրդերի և մուսուլման քրդերի միջև թշնամություն սերմանելն ու եզդիներին քրդական արմատներից հեռացնելն ու՞մ է ձեռնտու:

Հեժար Միդիր

Լալեշի Լրատվական Կենտրոն

Ստորև ներկայացնում ենք զոհվածների ու վիրավորների անունները և տեսագրություն, որտեղ երևում է դեպքի վայրում պեշմարգաների հակաահաբեկչական գործունեությունը:

Զոհված՝

1. Ժոտյար Իմադ Աբդալ
2. Ռախիդ Հայրի Ջիրդան
Վիրավոր'
1. Այադ Ալի Ահմադ
2. Ուսամ Շուկրի Ալի
3. Ռահիդ Հեյրի Ջումհա
4. Սաիֆ Սաադ Համդոնն
5. Հասան Բաշիր Նեսիր
6. Լոեի Ազհար Ջունիս
7. Կադիր Բարժես Օթման
8. Աբդալազիզ Սալիմ
9. Ֆարիս Խերո Ալի
10. Մըհամադ Բաշիր Նեսիր
11. Լաիֆ Սելիմ
12. Շերվան Բրո Մահմուդ
13. Բարկաթ Էլիաս Հիսեն
14. Իստիֆան Էլիաս Խալիլ
15. Ռաֆաա Խըդըր Էլիաս
16. Սլեման Սամի Բադալ