Ուզում եմ իմ շատ սիրելի Ստամբուլում ավելի շատ ժամանակ անցկացնել. Ջենիֆեր Լոպես

Համաշխարհային ճանաչում ունեցող լատինամերիկացի երգչուհի և դերասանուհի Ջենիֆեր Լոպեսը, ով վերջերս 3 համերգ է ունեցել Ստամբուլում, տեղավորվել է Թուրքիայի Metropol Istanbul համալիրում: Ինչպես հայտնում է ITAR-TASS-ը, Երգչուհին Բոսֆորին նայող բնակարանի բանալիներ է ստացել, գրում է 1in.am-ը:

Լոպեսն ասել է, որ Metropol Istanbul համալիրն առաջին հայացքից շատ է տպավորել իրեն: Համալիրը կազմված է 250 մետրանոց երկնաքերից, որը կդառնա Եվրոպայի ամենաբարձր շենքերից մեկը և երկհարկանի հսկա առևտրի կենտրոնից:

Լոպեսը Metropol Istanbul-ի վաճառքի բաժին է այցելել 2012 թ. նոյեմբերի 19-ին, նա մանրամասնորեն ծանոթացել է նախագծին, որից հետո նույն օրն այնտեղ բնակարան է ձեռք բերել:

Լոպեսը, նշելով, որ շատ ուրախ է Metropol Istanbul-ում բնակարան ձեռք բերելու համար, ասել է. «Ուզում եմ ապագայում իմ շատ սիրելի Ստամբուլում ավելի շատ ժամանակ անցկացնել: Այստեղ այցերիս ժամանակ կանգ կառնեմ իմ այս բնակարանում: Չեմ համբերում, թե երբ եմ վայելելու Բոսֆորին նայող տեսարանը»:

Metropol Istanbul-ի շինարարությունը կավարտվի 2015-ին: Բնակարանների 75 %-ն արդեն վաճառված է: Metropol Shopping Centre առևտրի կենտրոնի այցեքարտը 400 մետրանոց Metropol Catwalk առևտրային փողոցն է: Ըստ հաշվարկների՝ այստեղ տարեկան կայցելի 22 մլն մարդ: