Ամերիկուհի դոկտոր Լերնա Էքմեքջիօղլուն' հայերի մասին

Մասաչուսեթսի Տեխնոլոգիական ինստիտուտի պատմության ամբիոնի պրոֆեսորի օգնական դոկտ. Լերնա Էքմեքջիօղլուն «Ցանկալի պատկերացում, նենգ քողարկում» թեմայով դասախոսություն է կարդալու դեկտեմբերի 6-ին՝ Բելմոնտի (Մասաչուսեթս) Հայկական ուսումնասիրությունների եւ հետազոտությունների ազգային ասոցիացիայի կենտրոնում (NAASR), տեղեկացնում է հաղորդագրությունը: Այս մասին գրում է «Ազգ» օրաթերթը:

Էքմեքջիօղլուի ելույթը քննարկելու է հայ համայնքի վիճակը թուրքական հանրապետության հիմնադրման առաջին տասնամյակում: Ի՞նչ պատկերացում ունեին հայերը, մի՞թե հանրապետության ստեղծումը նորություն էր նրանց համար: Եվ վերջապես ի՞նչ ստացան նրանք: Դասախոսի համոզմամբ՝ օսմանյան անցյալը շատ ավելի կարևոր էր եւ առավել մեծ տեղ էր գրավում, քան երկու կողմերը (հայերը ու թուրքերը) պատրաստ էին ընդունելու:

Էքմեքջիօղլուն Մասաչուսեթսի Տեխնոլոգիական ինստիտուտում սկսել է աշխատել 2011-ից՝ Միչիգանի համալսարանում հետդոկտորական ուսումնասիրությունների մի շրջան անցկացնելուց հետո: Նա իր դոկտորականը ստացել է Նյու Յորքի համալսարանից և կուրսեր է կարդում Միջին Արեւելքի ներկա իրադրությունների եւ մասնավորապես էթնիկական հարաբերությունների մասին:

Այժմ նա աշխատում է «Surviving the New Turkey-Armenians in Post-Ottoman Istanbul» («Շարունակելով ապրել նոր Թուրքիայում: Հայերը հետօսմանյան Ստամբուլում») մենագրության վրա: