«Ժողովուրդ». Արթուր Բաղդասարյանը հավակնում է տիտղոսի
Վերջին լուրեր
ԱԱԽՔ Արթուր Բաղդասարյանն իր գործուղումներով հավակնում է արժանանալ «ամենաակտիվ վոյաժող պաշտոնյա» տիտղոսին: Նրա հերթական այցը Սանկտ-Պետերբուրգ էր, որտեղ նա եղել էր ընդամենը ամիսներ առաջ՝ հունիսին, որից հետո գնաց Չինաստան, և այդպես շարունակ: «Ժողովուրդ»-ը գրում է, որ փաստորեն, ԱԽՔ-ը ՀՀ պետական բյուջեից հսկայական գումարներ է ծախսում ու արտերկիր մեկնում' տարատեսակ միջոցառումների մասնակցելու համար, որոնց արդյունավետությունը, մեղմ ասած, վիճելի է: Օրինակ' այս այցի ժամանակ Բաղդասարյանը ՀԱՊԿ ԱԽՔ կոմիտեի և ՀԱՊԿ խորհրդարանական վեհաժողովի խորհրդի համատեղ նիստում հանդես է եկել ելույթով ու խոսել Աֆղանստանում տիրող իրավիճակի հետ կապված հարցերի մասին, տեղեկացրել, որ 2013թ. «Կանալ-Կավկազ» լոկալ հակաթմրանյութային գործողության միջազգային համակարգող շտաբը տեղակայվելու է Երևանում: Մի խոսքով ժամավաճառություն և պետական բյուջեի գումարների վատնում՝ ձեռքի հետ ելույթ ունենալու և «լավ տղա ձևանալու» հնարավորություն:
Համեմատության համար թերթը նշում է, որ ժամանակին, երբ ԱԱԽ քարտուղարը Սերժ Սարգսյանը և Արմեն Գետրգյանն էին, նման հատուկ նիստերի չէին մեկնում և այդ նպատակով բյուջեն չէին մսխում: Ավելին, այդ պաշտոնն առանձնացվեց՝ դրանով երբեմնի ընդդիմադիրին փաստացի գնելու համար:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
