Ադրբեջանական մամուլն առաջին անգամ Բակո Սահակյանին ԼՂՀ նախագահ է անվանել

Հայ-ադրբեջանական հակամարտության պատմության մեջ առաջին անգամ ադրբեջանական կառավարական տեղեկատվական գործակալությունը (Trend.az) Բակո Սահակյանին ներկայացրել է որպես Լեռնային Ղարաբաղի նախագահ. հաղորդում է Azernews-ը:

Գործակալության տարածած տեղեկության մեջ ասված է. «Ղարաբաղյան հակամարտության կարգավորման հարցով ԵԱՀԿ Մինսկի խմբի համանախագահները ժամանելու են Հայաստան: Հինգշաբթի օրը ԵԱՀԿ գործող նախագահ Անդրեյ Կասպրշիկի անձնական ներկայացուցչի հետ համանախագահներն այցելել են Լեռնային Ղարաբաղ, ուր բանակցություններ են վարել Լեռնային Ղարաբաղի հանրապետության նախագահ Բակո Սահակյանի հետ»:

Դժվար է հավատալ, որ ադրբեջանական լրատվամիջոցը տպագրական վրիպակ է թույլ տվել. կարծում է Azernews-ը: Մի՞թե պաշտոնական Բաքուն սկսել է վերանայել Հայաստանի հետ տեղեկատվական պատերազմի իր դիրքորոշումը, քանի որ Րաֆֆի Հովհաննիսյանի այցը Բաքու, Հայաստանի խորհրդարանի նախագահի սպասվելիք այցը և Trend-ի տեղեկությունը կարծես մեկ օղակի զնգոց լինեն. եզրափակում է Azernews-ը

Նշենք, որ Trend գործակալությունը միջադեպից հետո կայքից հանել է վերոնշյալ հոդվածը։