«Անժիի» 70 երկրպագու է ձերբակալվել Պաղեստինին աջակցող պաստառի պատճառով

Ոստիկանները Մոսկվայում Եվրոպայի լիգայի 5-րդ տուրի «Անժի»-«Ուդինեզե»(2:0) խաղից հետո ձերբակալել են մոտ 70 մարդու. տեղեկացնում է sovsport-ը:

Դեպքի մանրամասները պատմել է «Անժիի» երկրպագուների ղեկավար Ռամազան Գազիևը: Նրա խոսքերով` ձեռբակալման պատճառ է դարձել Պաղեստինին աջակցություն ցույց տվող պաստառը:

«Խաղին մեր երկրպագուները միացել էին Պաղեստինի ժողովրդին աջակցող համաշխարհային ակցիային` մարզադաշտի 9-րդ սեկտորում տեղադրելով «Free Palestine» (ազատ Պաղեստին) պաստառը: Մի քանի մարդ դրանից հետո անմիջապես ձերբակալվեց: Բայց առանցքային պահը տեղի ունեցավ արդեն խաղից հետո»:

Գազիևի խոսքերով` տուժած երկրպագուներից շատերը բողոքարկելու են ոստիկանների գործողությունները: