Ռուսաստանը խորհուրդ է տվել Թուրքիային չզբաղվել «մկանների մարզումով»
Վերջին լուրեր
Մոսկվան Թուրքիային խորհորդ է տվել նպաստել սիրիական հարցով բանակցություններ սկսելուն, այլ ոչ թե զբաղվել «մկանների մարզումով»: Այս մասին հայտարարել է ՌԴ ԱԳՆ ներկայացուցիչ Ալեքսանդր Լուկաշևիչը՝ անդրադառնալով թուրք-սիրիական սահմանին Patriot տիպի հակաօդային պաշտպանության հրթիռներ տեղակայելու հարցին. փոխանցում է ИТАР-ТАСС-ը:
«Ես այժմ դժվարանում եմ մեկնաբանել, թե դրանից ինչ դուրս կգա, նշել է նա։-Տեսնենք, թե դրան ինչ պատասխան կտան Թուրքիայի՝ ՆԱՏՕ-ի անդամ դաշնակիցները: Թուրք-սիրիական սահմանի ռազմականացումը տագնապի ազդանշան է»,-հիշեցրել է Լուկաշևիչը:
«Մենք խորհուրդ ենք տալիս մեր թուրք գործընկերներին օգտագործել սիրիական ընդդիմության վրա իրենց ունեցած ազդեցությունը սիրիական հակամարտության հարցով բանակցություններ սկսելու համար, այլ ոչ թե զբաղվեն «մկանների մարզումով» և իրավիճակը տեղափոխել ռազմական ոլորտ»,-հայտարարել է Լուկաշևիչը:
«Նման քայլերը լավատեսություն չեն ներշնչում»,-եզրափակել է նա:
ՈՒՂԻՂ ԵԹԵՐ
Ամենադիտված 
Ինչպես է Վահան Քերոբյանը դիմավորել դստերը հյուրանոցի մոտ` «Մանկական Եվրատեսիլում» նրա հաղթանակից հետո
