ԱՊՀ ՄԽՎ խորհրդի նախագահը պարգևատրել է Հովիկ Աբրահամյանին (լուսանկարներ)
Վերջին լուրեր
Նոյեմբերի 22-ի երեկոյան ԱՊՀ ՄԽՎ անդամ-պետությունների խորհրդարանների նախագահների մասնակցությամբ տեղի ունեցավ ԱՊՀ ՄԽՎ խորհրդի նիստը, որի օրակարգում ընդգրկված էր 30 հարց: Նիստի սկզբում նախագահող ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն ողջունեց ՀՀ ԱԺ նախագահ Հովիկ Աբրահամյանին և շնորհավորելով նրան՝ ուրախությամբ նշեց, որ պարոն Աբրահամյանը վերընտրվել է ՀՀ Ազգային ժողովի նախագահ: Տիկին Մատվիենկոն բարձր գնահատեց Հովիկ Աբրահամյանի գործունեությունը Հայաստանի խորհրդարանի նախագահի պաշտոնում և իր ու ներկաների անունից հաջողություններ մաղթեց նրան պաշտոնավարության ընթացքում:
ԱՊՀ ՄԽՎ խորհրդի նիստի օրակարգային հարցերից էին ԱՊՀ ՄԽՎ խորհրդի նախագահի և մշտական հանձնաժողովների նախագահների ընտրությունները: Նիստում Վալենտինա Մատվիենկոն միաձայն ընտրվեց ԱՊՀ ՄԽՎ խորհրդի նախագահ: Ընտրվեցին նաև ԱՊՀ ՄԽՎ մշտական հանձնաժողովների նախագահները: Նիստի ընթացքում ի թիվս այլ հարցերի քննարկվեցին նաև Բելառուսում և Ուկրաինայում խորհրդարանական ընտրությունների մոնիտորինգին ԱՊՀ ՄԽՎ-ի կողմից միջազգային դիտորդների մասնակցության մասին, ինչպես նաև ԱՊՀ երիտասարդական խորհրդարանական վեհաժողովին վերաբերող հարցեր:
Նիստի վերջում Վալենտինա Մատվիենկոն ՀՀ ԱԺ նախագահ Հովիկ Աբրահամյանին պարգևատրեց ԱՊՀ ՄԽՎ ոսկե մեդալով՝ միջխորհրդարանական համագործակցության ամրապմդման գործում կարևոր ներդրում ունենալու համար: ԱՊՀ ՄԽՎ ոսկե մեդալով պարգևատրվեց նաև ՌԴ Պետական դումայի նախագահ Սերգեյ Նարիշկինը:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
