Ո՞ր դեպքում ԲՀԿ-ն կմիանա ՀԱԿ-ի ՍԴ դիմելու նախաձեռնությանը
Վերջին լուրեր
ՀՀԿ-ի ջանքերով ԱԺ արտահերթ նիստի տապալման հարցով ՀԱԿ խմբակցությունը կդիմի ՍԴ, քանի որ խախտվել է Սահմանադրության 70-րդ հոդվածը: Այս մասին «Հժ»-ի թղթակցին հայտնել էր ՀԱԿ խմբակցության քարտուղար Արամ Մանուկյանը:
Սակայն ՍԴ դիմելու համար դիմումի տակ, ըստ ՀՀ Սահմանադրության 101-րդ հոդվածի, պետք է ստորագրի ԱԺ պատգամավորների առնվազն մեկ հինգերորդը` 27 պատգամավոր։
Լուրեր.com-ը զրուցեց ԱԺ ԲՀԿ խմբակցության քարտուղար Նաիրա Զոհրաբյանի հետ, ով նշեց, որ ԲՀԿ-ում այժմ քննարկում են, թե որքանով է դա Սահմանադրական դատարանի քննարկման նյութ։
«Խնդիր չենք տեսնում, եթե հիմքերն ամուր են, հիմքերը կան Սահմանադրական դատարանում խնդիրը վիճարկելու համար, ապա, ինչու չէ, մենք կմիանանք։ Այս պահին մեր իրավաբանները, փորձագետները քննարկում են այդ հարցը, թե որքանով է Սահմանադրական դատարանի քննարկման նյութ, և որքանով ՍԴ-ն կարող է քննության վերցնել։ Այսինքն՝ մեզ համար շատ կարևոր է, որ ՍԴ դիմելու իրավական հիմքերը լինեն հիմնավոր։ Մենք նայում ենք և խնդիր չենք տեսնում, որ լուրջ հիմքերի առկայության դեպքում միանանք նախաձեռնությանը»,-ասաց Զոհրաբյանը։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
