Աշխարհի ամենաէմոցիոնալ և ոչ էմոցիոնալ ազգերը

Սինգապուրը և Ֆիլիպինները աշխարհագրական հարևաններ են, սակայն նրանց միջև հսկայական էմոցիոնալ անջրպետ կա։

«Գելափ» ինստիտուտի հետազոտությունները ցույց են տվել, որ սինգապուրցիները բոլորից քիչ են արտահայտում դրական կամ բացասական զգացումներ յուրաքանչյուր օր, մինչդեռ ֆիլիպինցիները չափազանց էմոցիոնալ են։ Գրում է science.compulenta.ru-ն։

3 տարվա ընթացքում հարցման մասնակիցներ են դարձել ավելի քան 150 երկրի բնակիչներ 15 տարեկան և ավելի բարձր հասակում։ Հարցվողներից տեղեկացել են՝ վերապրել են արդյոք նրանք 10 էմոցիա անցած օրվա ընթացքում. հինգը՝ բացասական (զայրույթ, սթրես, տխրություն, ցավ, անհանգստություն) և 5 դրական էմոցիա (զգացել են իրենց լավ հանգստացած, շատ ժպտացել են, ծիծաղել, հարգանք են վայելել, հաճույք են ստացել որևէ բանից, սովորել կամ արել են ինչ-որ բան)։

Սինգապուրում բնակչության միայն 36%-ն է վերապրում այս զգացումները։ Երկրորդ հորիզոնականում ոչ էմոցիանալների շարքում հայտնվել է Վրաստանը և Լիտվան՝ յուրաքանչուրում 37%: Ոչ էմոցիոնալ է Ռուսաստանի, Մադագասկարի, Ուկրաինայի, Բելառուսի, Ղասախստանի, Նեպալի և Նիկարագուայի բնակիչների 38%-ը։

Մինչդեռ Ֆիլիպինները գլխավորել է ամենաէմոցիոնալ երկրների ցամկը (60%): Նրան հետևում են Սալվադորը (57%), Բահրեյնը (56%), Օմանը, Կոլումբիան (55%), Կոստա Ռիկան, Չիլին, Կանադան, Գվատեմալան, Բոլիվիան, Էկվադորը, Դոմինիկյան Հանրապետությունը, Պերուն, Նիկարագուան, ԱՄՆ-ը (54%):

Մերձավոր Արևելքի և Հյուսիսային Աֆրիկայի բնակիչները բոլորից հաճախ են բացասական էմոցիաներ զգում, իսկ ցուցանիշով առաջատարներ են իրաքցիները, պաղեստինցիները և բահրեյնցիները։ Լատինական Ամերիկայում ամեն ինչ լավ է, և ցուցակն այստեղ գլխավորում են Պանաման, Պարագվայը և Վենեսուելան։

Թվում է, թե ակնհայտ է, որ «բացասականը» գերիշխում է այն երկրներում, որոնք տնտեսական դժվարություններ, զանգվածային անկարգություններ, հեղափոխություն են ապրում։ Այնուամենայնիվ, եկամուտների պարզ աճն ու կայունությունը մարդկանց չեն երջանկացնում։ Չնայած Սինգապուրում գործազրկության ամենացածր ցուցանիշներից մեկն է ամբողջ աշխարհում, այս երկրի բնակիչները հազվադեպ են դրական էմոցիաներ զգում։