ԲՀԿ-ն նախապատրաստվում է նախագահականին
Վերջին լուրեր
«Ամեն ինչ կարելի էր սպասել, բայց ոչ Սահմանադրության նորմերի խախտում։ Ընդդիմության հրավիրած արտահերթ նիստը պետք է կայանար: Ես միանշանակ հարյուրտոկոսանոց համամասնական ընտրակարգի ջատագովն եմ եղել, իսկ մեծամասնական պայքարը չեմ համարում, որ գաղափարների պայքար է: Այս մասին լրագրողների հետ հանդիպմանն ասաց «Բարգավաճ Հայաստան» խմբակցության պատգամավոր Լյովա Խաչատրյանը:
Պատգամավորը տեղեկացրեց նաև, որ ներկա փուլում կուսակցության խորհուրդը նախագահական ընտրությունների հետ կապված ծանոթանում է ակտիվի վերաբերմունքին ԲՀԿ-ի և կուսակցության առաջնորդի մասնակցության վերաբերյալ։ «Վերլուծական աշխատանքներ են տարվում, տեղեկատվություն է հավաքվում, թե ինչպիսի վերաբերմունք կա տարածքներում»,-ասաց վերջինս և հավելեց, որ ներկայումս վերլուծական աշխատանքներ են տարվում Արագածոտնի մարզում և այնտեղ որոշում են կայացրել միանշանակ Գագիկ Ծառուկյանի թեկնածությունն առաջադրել:
Լյովա Խաչատրյանի խոսքով՝ Գագիկ Ծառուկյանը ժամանակակից քաղաքական գործիչ է, և նա իր հայտարարությունը կանի այն ժամանակ, երբ կլինի քաղխորհրդի որոշումը:
«ԲՀԿ-ն այսօր հզոր կուսակցություն է, և ինչպես գիտենք, երկրոդն է իր թվաքականակով. այդ իսկ պատճառով չի կարող որևէ բանից տագնապել։ ԲՀԿ-ն անհանգստանում է ժողովրդի վիճակով»,-եզրափակեց պատգամավորը:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
