Թուրքիայում Patriot հրթիռային համակարգերը կմեծացնեն զինված բախումների վտանգը

Թուրքիայի տարածքում Patriot հրթիռային համակարգերի տեղադրումը կմեծացնի զինված բախումների վտանգը։ Այսօր այս մասին հայտարարել է Ռուսաստանի արտաքին գործերի նախարար Սերգեյ Լավրովը. հայտնում է Взгляд թերթը։

«Ինչքան շատ զինամթերք է կուտակվում, այդքան մեծանում է դրանց օգտագործման վտանգը, և յուրաքանչյուր տեսակի սադրանք կարող է դրա պատճառ դառնալ»,-ասել է նա Մոսկվայում կայացած ճեպազրույցի ժամանակ։

«Ռազմակքաղաքական գործերում, որոնք կապված են հակամարտությունների կարգավորման հետ, զենքի հայտնվելը որոշակի վտանգ է ստեղծում, քանի որ զինամթերքի յուրաքանչյուր կուտակում վտանգ է ստեղծում»,-նշել է Լավրովը։

Նրա խոսքերով՝ «յուրաքանչյուր սադրանք կարող է դառնալ լուրջ զինված հակամարտության պատճառ»։ «Մենք կցանկանաինք ամեն կերպ խուսափել դրանից»,-ընդգծել է Լավրովը։