Մեր օրերում պետական պաշտոնյայի ընտրության դասական օրինակ (հումորային տեսանյութ)

Այսօր ՀՀ բնապահպանության նախարարությունում անցկացվեց «Խոսրովի անտառ» արգելոցի տնօրենի թափուր պաշտոնի համար հայտարարված մրցույթը: Մրցույթի համար գրանցված 3 թեկնածուներից մասնակցեց միայն Գաբրիել Պողոսյանը (Նոնո մականունով), ում անունը կապվում է որսորդության և որսագողության հետ: Հատկանշական է նաև այն, որ Պողոսյանի նույնիսկ մասնագիտական պատրաստվածությունը չի համապատասխանում մրցույթի պահանջներին: Սակայն դա էլ դեռ ամենահետաքրքրականը չէ. մարդ երևի կարող է լինել որսորդ, բայց հետագայում դառնալ բնասեր, կարող է չունենալ մասնագիտական կրթություն, բայց դե մարդ է, ինքն էլ է պաշտոն ուզում, իսկ մեր նման ժողովրդավար երկրում ինչպե՞ս կարելի է մերժել առաջխաղացման նման ցանկություն ունեցող անձնավորությանը:

Ցանկանում եմ ձեր ուշադրությունը հրավիրել թափուր պաշտոնի համար ընթացող քննությանը ու մեր՝ «ավելիին ձգտող» անձնավորության պատասխաններին: Ես, անկեղծ ասած, հիշեցի մանկությանս տարիները:

Սևակ Մամյան 

Տեսանյութը ներկայացնում ենք ստորև։