Վարդգես Գասպարիի պարզաբանումը Լևոն Զուրաբյանի հորդորի մասին

ՀԱԿ ակտիվիստ Վարդգես Գասպարին ֆեյսբուքյան իր էջում գրել է.

«Պարզաբանումներ սիրելի լրագրողների, հետքրքրասերների եւ պարզապես իմ ՖԲ-ի ընկերների այլ ընկերների համար.

Պարզաբանում առաջին. Ես Լ. Զուրաբյանին գիտեմ 90-ականնեի սկզբից եւ արդեն մոտ երկու տասնամյակ համակրում եմ նրան, որպես ուսյալ , բարեկիրթ եւ բարոյական նկարագրով քաղաքական գործիչ:Ինձ երբեւէ քաղաքական ֆիգուր չհամարելով, լինելով պարզապես քաղաքացի եւ իրավապաշտպան, ինձ համարում եմ նրա համխոհը եւ թիմակիցը:

Պարզաբանում երկրորդ - Ով ' ով, բայց Լ. Զուրաբյանը, Ա. Մանուկյանը, Ն. Փաշինայանը եւ առհասարակ իմ բոլոր մարտընկերները իրավասու են այս կամ այն հարցում ինձ հորդորել, եւ երբեւե իմ ինքնասիրությունը չի պակասում դրանից:

Պարզաբանում երրորդ - Վերոհիշյալով ես երբեւե չեմ հերքում կամ հաստատում Լ. Զուրաբյանի հեսցեին արվող քննադատությունները . ամեն ոք թող ինքը հիմնավորի իր քննադատությունը: Ոչ էլ ես ցանկանում եմ Լ. Զուրաբյանին անթերի անձնավորություն ներկայացնել:

Պարզաբանում չորրորդ - Ես 88 - ից ի վեր ինձ համարում եմ այն քաղաքական թիմի համախոհը, որը ներկայացնում է Լ. Զուրաբյանը: Մասնավորապես ինձ պատասխանատու եմ համարում մեր իշխանության տարիներին թույլ տրված սխալների եւ բաց թողումների համար»։

Հիշեցնենք, որ երեկ Aravot.am-ը գրել էր, որ ՀԱԿ անդամ Վարդգես Գասպարիի ցուցապաստառները ՀԱԿ-ի բողոքի ակցիայի ժամանակ մի փոքր փոփոխության էին ենթարկել, «խմբագրել» էին՝ կրիմինալի, օլիգարխիայի ներկայացուցիչների շարքից հանվել էր ԲՀԿ առաջնորդ Գագիկ Ծառուկյանի լուսանկարը: 

Հարցին, թե Գագիկ Ծառուկյանի լուսանկարը ինչո՞ւ է դուրս եկել ցուցապաստառներից, Վարդգես Գասպարին ասել. «Այո: Շատ պարզ: Լևոն Զուրաբյանը ինձ հորդորեց, որ ներկա պահին պետքը չի: Ես էլ, որպես ՀԱԿ-ի անդամ, նաև իր վստահված անձ, իր հորդորը լսեցի»: